Azərbaycan bankı daxili prosessinq mərkəzini yaradıb

Bakı. 24 avqust. REPORT.AZ/ “DəmirBank” ASC-də plastik kartların "in-house" (daxili) prosessinq mərkəzi olan “Ocean” sisteminin tətbiqi uğurla başa çatdırılıb. 

"Report" xəbər verir ki, bu barədə Bankın açıqlamasında bildirilir. 

Məlumatda deyilir ki, yeni sistem kart məhsullarının yaradılması, çap edilməsi və s. kimi bir çox kart əməliyyatlarını 3-cü tərəfin vasitəçiliyi olmadan idarə etməyə və plastik kartların funksionallığının artırılmasına geniş imkanlar yaradır. Yeniliyin məqsədi müştərilərə daha sürətli və çevik xidmətin təmin edilməsidir.