Azad Cavadov: "Qorunmayan əmanətlərə görə ödənişləri kreditorlar gecikdirir"

Bakı. 18 aprel. REPORT.AZ/ Azərbaycanda ləğvetmə prosesində olan bəzi kommersiya banklarının qorunmayan əmanətçilərinə ödənişlər kreditorların ucbatından gecikir.

“Report”un məlumatına görə, bunu bu gün keçirdiyi mətbuat konfransında Azərbaycan Əmanətlərin Sığortalanması Fondunun icraçı direktoru Azad Cavadov bildirib.

Onun sözlərinə görə, kreditorlar bəzən onlara ödənilməli olan məbləğlə razılaşmırlar: “Son nəticədə bu iş məhkəməyə qalır. Məhkəmə kreditorların reyestrini və ləğvetmə planını təsdiq etdikdən sonra kompensasiya ödənişi həyata keçirilir”.