Avronun ucuzlaşması davam edir

Bakı. 9 dekabr. REPORT.AZ/ Dekabrın 8-də Amerika fond bazarında Dow Jones indeksində 0,59% azalma müşahidə edilib və 17 852,48 bənd təşkil edib, S&P 500 0,73% - 2 060,31 bəndədək, Nasdaq isə 0,84% - 4 740,69 bəndədək azalıb.

"Report"un xəbər verdiyi kimi, Avropa fond bazarlarında dekabrın 8-də FTSE 100 indeksi 1,05% - 6 672,15 bəndədək, Almaniya DAX-ı 0,72% - 10 014,99 bəndədək, Fransa CAC-40-ı isə 1,00% - 4 375,48 bəndədək enib.

Bu gün səhərə COMEX-də qızılın bir unsiyasının qiyməti 0,58% artaraq 2 388,14 dollara bərabər olub, dünya bazarında avronun dollara qarşı məzənnəsi isə 1,2258 dollar (-0,8%) təşkil edib.