ARDNF-in büdcə gəlirləri 82 %, büdcə xərcləri isə 4 % artırılır

Azərbaycanın icmal büdcəsinin tərkibinə daxil olan Dövlət Neft Fondunun (ARDNF) büdcəsinin gəlirləri cari ilin təsdiq olunmuş göstərici ilə müqayisədə 7 346,6 milyon manat və yaxud 81,7 % artırılaraq 16 337,5 milyon manat məbləğində nəzərdə tutulur.

"Report" bu barədə Maliyyə Nazirliyinə istinadən xəbər verir.

Məlumata görə, ARDNF-in büdcəsinin xərcləri 11 812,9 milyon manat təşkil edəcək ki, bu da cari ilin təsdiq olunmuş göstəricisi ilə müqayisədə 457,7 milyon manat və yaxud 4 % çoxdur.