ARDNF-də ADB-nin icraçı direktorunun başçılıq etdiyi nümayəndə heyəti ilə görüş keçirilib

Bakı.18 sentyabr. REPORT.AZ/ Bu gün Azərbaycan Dövlət Neft Fondunun (ARDNF) icraçı direktorunun müavini İsrafil Məmmədov ilə Asiya İnkişaf Bankının (ADB) icraçı direktoru Metyu Foksun rəhbərlik etdiyi nümayəndə heyəti arasında görüş keçirilib.

ARDNF-dən "Report"a verilən məlumata görə, görüşdə Fondun fəaliyyəti, vəsaitlərin idarə edilməsi, investisiya siyasəti, Azərbaycanda hasilat sənayesində şəffaflığın təmin edilməsi və hesabatlılıq istiqamətində görülən işlər barədə məsələlər müzakirə edilib.

Nümayəndə heyəti Fondun muzeyi ilə tanış olub.