ARDNF bu il AÇG-dən 2,5 mlrd dollar gəlir əldə edib

Bu ilin yanvar-iyul aylarında Azərbaycan Dövlət Neft Fonduna (ARDNF) Xəzərin Azərbaycan sektorunda yerləşən "Azəri-Çıraq-Günəşli" (AÇG) yataqlar bloku üzrə mənfəət neftinin satışından 2,485 mlrd ABŞ dolları vəsait daxil olub.

“Report” bu barədə ARDNF-ə istinadən xəbər verir.

Bu müddət ərzində “Şahdəniz” yatağından hasil edilən qaz və kondensatın satışından isə ARDNF 215,5 mln ABŞ dolları gəlir əldə edib.

​​Bu həcmin 149 mln dolları kondensatın payına düşüb.