ARDNF AÇG və “Şahdəniz” layihələrindən 136,613 mlrd. dollar gəlir əldə edib

Bakı. 13 avqust. REPORT.AZ/ İndiyədək Azərbaycan Dövlət Neft Fonduna (ARDNF) Xəzərin Azərbaycan sektorunda yerləşən "Azəri-Çıraq-Günəşli" (AÇG) yataqlar bloku üzrə mənfəət nefti və "Şahdəniz" qaz-kondensat yatağı üzrə mənfəət qazının satışından, ümumilikdə, 136,613 mlrd. ABŞ dolları daxil olub.

“Report” bu barədə ARDNF-a istinadən xəbər verir.

Məlumata görə, 2001-ci ildən bu il avqustun 1-dək AÇG yatağı üzrə mənfəət neftinin satışından 134,107 mlrd. dollar gəlir əldə olunub. Bu məbləğin 5,621 mlrd. dolları bu il daxil olan vəsaitin payına düşüb.

2007-ci ildən “Şahdəniz” yatağı üzrə mənfəət qazının satışından Fonda 2,506 mlrd. dollar daxil olub.