ABŞ-ın məşhur bankının Azərbaycandakı nümayəndəliyinə məxsus sənədlər itib

ABŞ-ın “Citibank”ının Azərbaycandakı nümayəndəliyinə məxsus VÖEN şəhadətnaməsi, Nizamnamə, Dövlət reyestrindən çıxarış itib.

“Report” xəbər verir ki, bu barədə Vergilər Nazirliyinin “Vergilər” qəzeti məlumat yayıb.

Məlumatda deyilir ki, həmin sənədlər itdiyi üçün etibarsız sayılır.

Xatırladaq ki, sözügedən nümayəndəlik 2007-ci ildən fəaliyyət göstərir. Onun hüquqi ünvanı Bakı şəhəri, Səbail rayonu, Nizami küçəsi, ev 96 (“Land Mark” iş mərkəzi), qanuni təmsilçisi isə Demir Fulat Dünyamindir.