ABŞ-ın dövlət istiqrazlarının gəlirliliyinin azalması qızılı bahalaşdırıb

ABŞ-ın dövlət istiqrazlarının gəlirliliyinin azalması fonunda qızıl bahalaşıb.

“Report” birjalara istinadən xəbər verir ki, Nyu-Yorkun “Comex” birjasında qızılın fevral fyuçersləri 0,23% və ya 4,25 ABŞ dolları bahalaşaraq, 1 unsiyası 1 875,75 ABŞ dollarına satılıb. Gümüşün mart fyuçerslərinin qiyməti isə 0,28% düşərək, 1 unsiyası 23,54 ABŞ dolları təşkil edib.

Qiymətli metalın qiymətinin düşməsinə ABŞ-ın dövlət istiqrazlarının gəlirliliyinin azalması təsir göstərib. ABŞ-ın 10 illik “US Treasuries” istiqrazlarının gəlirliliyi 2,045%-dən 1,991% səviyyəsinə düşüb.

Bundan başqa, treyderlər geosiyasi vəziyyəti izləyirlər. Belə ki, geosiyasi gərginlik qızıl kimi aktivlərə marağın artmasına şərait yaradır.