ABŞ-da inflyasiyanın zəifləməsi qızılın qiymətinin düşməsinə səbəb olub

ABŞ-da istehlak qiymətlərinin artım sürətinin azalması qızılın ucuzlaşmasına səbəb olub.

“Report” birjalara istinadən xəbər verir ki, Nyu-Yorkun “Comex” birjasında qızılın dekabr fyuçersləri 0,66% ucuzlaşaraq 1 unsiyası 1 801,8 ABŞ dollarına satılıb. Gümüşün sentyabr fyuçerslərinin qiyməti isə 1,37% düşərək 1 unsiyası 20,457 ABŞ dolları təşkil edib.

ABŞ-da illik inflyasiya ilə bağlı açıqlanmış statistikaya görə, inflyasiya səviyyəsi 9,1%-dən 8,5%-dək zəifləyib.