ABŞ-da II rübdə iqtisadi artım 3,1%-ə yüksəlib

Bakı. 28 sentyabr. REPORT.AZ/ ABŞ-da illik iqtisadi artım göstəricisi II rübdə 3%-dən 3,1%-ə yüksəldilib. "Report" "Vestifinance.ru" saytına istinadən xəbər verir ki, bu barədə məlumatı ölkənin Ticarət Nazirliyi yayıb. 

İqtisadi artımı dəstəkləyən əsas amil kimi istehlak xərclərinin II rübdə 3,3% artması göstərilir. Belə ki, istehlak xərclərinin ÜDM-də payı 70%-ə bərabərdir.

ABŞ-ın II rübdə ixracı 3,5%, idxalı isə 1,5% artım göstərib. İxracın ÜDM-ə müsbət təsiri 0,21 faiz bəndi təşkil edib. İxracın artmasına səbəb dolların ilin əvvəlindən etibarən ucuzlaşması amili olub.