ABA: Bank sektorundakı izafi likvidliyin iqtisadiyyata ötürülməsi problemi var

Bakı. 22 noyabr. REPORT.AZ/ "Banklardan yığılmış dollar vəsaitlərinin manata konvertasiya edilməsi və ya manatla “svop” edilməsi əməliyyatları aparılmalıdır".

"Report"un veridiyi xəbərə görə, bu barədə Azərbaycan Banklar Assosiasiyasının sədri Zakir Nuriyev məlumat verib.

"Bank sektorunda 5 mlrd. manata yaxın izafi likvidlik yığılıb. Bu vəsaitlərin iqtisadiyyata ötürülməsi üzrə problemlər var. Keçmiş devalvasiyaların təcrübəsi göstərir ki, dolların bahalaşması yerlərdə kiçik və orta biznesin fəaliyyətində ciddi problemlər yarada bilər. Banklardan yığılmış hazırkı dollar vəsaitlərinin manata konvertasiya edilməsi və ya manatla “svop” edilməsi əməliyyatları, təbii ki, digər faktorlar nəzərə alınmaqla önəmli olardı. Hazırda bank sektorunda vəsait çatışmamazlığı, likvidlik problemi deyil, əksinə izafi likvidliyin iqtisadiyyata ötürülməsi məsələsi gündəmdədir", - Z.Nuriyev vurğulayıb.