Türkiyə komandası avrokubok oyununun təxirə salınmasını istəməyib

Türkiyənin "Qaziantep" basketbol komandası Avropa Kuboku oyununun təxirə salınmasını istəməyib.

"Report"un məlumatına görə, bu barədə Beynəlxalq Basketbol Federasiyasının (FIBA) rəsmi tviter hesabı məlumat yayıb.

Qurum daha əvvəl ölkədəki zəlzələ ilə əlaqədar Türkiyə təmsilçilərinin matçlarının təxirə salındığını açıqlamışdı.

Qeyd edək ki, "Qaziantep" K qrupunun VI turunda fevralın 8-də Almaniyada "Crailsheim Merlins"in qonağı olacaq. Komanda beş görüşdən sonra 10 xalla liderdir.