Rusiyalı xokkeyçi 25-ci mərtəbədən yıxılaraq ölüb

Rusiyalı xokkeyçi İvan Bitkin 25-ci mərtəbədən düşərək ölüb.

“Report” xəbər verir ki, məlumatı REN TV yayıb.

Hadisə oktyabrın 30-da paytaxt Moskvadakı Xoroşev küçəsində baş verib. İdmançı yaşayış binasının damından yıxılıb.

Hadisənin səbəbi hələlik məlum deyil. Olay hüquq-mühafizə orqanları tərəfindən araşdırılır.

Qeyd edək ki, İvan Bitkin Rusiyanın Yüksək Xokkey Liqasında “Zvezda”, “Toros” və “Senq Tou” kimi komandalarda çıxış edib.