"Formula-1" pilotu Daniil Kivyat: "Azərbaycandakı yol unikaldır"

Bakı. 20 iyun. REPORT.AZ/ "Azərbaycandakı yol unikaldır. Orada yalnız bir bolid keçə bilər ki, bu da onu əsl yarış meydanına çevirir".

"Report" xəbər verir ki, bunu "Toro Rosso"nun pilotu Daniil Kvyat "Formula-1"in Bakı mərhələsi barədə danışarkən deyib.

“Azərbaycandakı yol unikaldır. Onun qəribə quruluşu var – divarların bir-birinə olduqca yaxın yerləşdiyi dar hissə və uzun düz yol. Orada yalnız bir bolid keçə bilər ki, bu da onu əsl yarış meydanına çevirir. Orada həm Montsa şəhərini, həm də Monakonu xatırladan hissələr var.

Ümid edirəm ki, Bakıda xal qazana biləcəyəm”, - deyə Kivyat söyləyib.