Azərbaycanın 3x3 basketbol milliləri Priştinada yarımfinal matçına çıxır

Azərbaycanın həm kişi, həm də qadınlardan ibarət 3x3 basketbol milliləri Kosovonun paytaxtı Priştinada təşkil olunan Avropa kubokunun seçmə mərhələsində bu gün yarımfinal oyununa çıxacaqlar.

"Report"un məlumatına görə, qadınlardan ibarət yığma Kosovo ilə üz-üzə gələcək.

Qarşılaşma Bakı vaxtı ilə 18:00-da start götürəcək.

Kişilərdən ibarət komanda isə Kiprlə qarşılaşacaq. Bu görüşə saat 19:00-da start veriləcək.

Qeyd edək ki, kişilərdən ibarət kollektiv qrup mərhələsində Malta (18:16) və San Marinonu (21:20) məğlub edib, Albaniyaya isə uduzub (20:21). Qadınlardan ibarət yığma isə Kipr (16:10) və Maltadan (15:14) güclü olub.