Azərbaycan klubu Bakıda Qazaxıstan təmsilçisi ilə yoxlama oyunu keçirib

Azərbaycanın qadın həndbolçularından ibarət "Azəryol" komandası Bakıda təlim-məşq toplanışı keçirən Qazaxıstanın "Astana" kollektivi ilə qarşılaşıb.

"Report" xəbər verir ki, yoxlama oyunu təmsilçimizin 40:22 hesablı qələbəsi ilə yekunlaşıb.

Təlim-məşq toplanışında "Astana"nın 2008-ci il və aşağı yaş qrupları üzrə oğlan və qızlardan ibarət komandaları, həmçinin qadınlardan ibarət həndbolçuları iştirak edir. “AHF Arena” İdman Kompleksində təşkil olunan hazırlıq prosesinə dekabrın 9-da yekun vurulacaq.

Qeyd edək ki, daha əvvəl Qazaxıstanın "Turan" kollektivi Bakıda hazırlıq prosesi keçmişdi.