Avropa Kuboku: Azərbaycanın 3x3 basketbol milliləri yarımfinala yüksəlib

Kosovonun paytaxtı Priştinada 3x3 basketbol üzrə Avropa Kubokunun seçmə mərhələsində ilk oyun günü yekunlaşıb.

"Report"un məlumatına görə, turnirdə ölkəmizi təmsil edən həm kişi, həm də qadın milli komandası yarımfinala vəsiqə qazanıb.

Kişilərdən ibarət kollektiv qrup mərhələsində Albaniyaya uduzsa (20:21) da, Malta (18:16) və San Marinonu (21:20) məğlub edib.

Qadınlardan ibarət yığma isə Kipr (16:10) və Maltadan (15:14) güclü olub.

Kişilərdən ibarət milli sabah yarımfinalda Kiprlə, qadınlar isə Kosovo ilə üz-üzə gələcək.