AVRO-2026: Bu gün Milli Gimnastika Arenasında C qrupunun daha iki oyunu keçiriləcək

Qadın voleybolçular arasında Avropa çempionatının C qrupunda bu gün daha iki matç baş tutacaq.

"Report" xəbər verir ki, günün ilk görüşündə, saat 15:30-da Niderland və Belçika yığmaları üz-üzə gələcəklər.

Saat 18:30-da isə Portuqaliya millisi Rumıniya ilə qarşılaşacaq.

Belçika 11 xalla 1-ci, hərəyə 8 xalı olan Niderland və Azərbaycan milliləri 2-3-cü pillələrdə qərarlaşıb. Portuqaliyanın 3, Rumıniyanın 2, İspaniyanın 1 xalı var.

Qeyd edək ki, C qrupunun oyunları avqustun 28-nə qədər Milli Gimnastika Arenasında təşkil olunacaq.