İslamiada: Azərbaycan paralimpiyaçıları eyni yarışda iki medal qazanıblar

Bakı. 20 may. REPORT.AZ/ "Bakı 2017" IV İslam Həmrəyliyi Oyunlarında Azərbaycanın daha iki para-atleti medal qazanıb. 

"Report"un məlumatına görə, hər iki medal T12 kateqoriyası üzrə uzununa tullanma yarışında əldə olunub.

7,10 metr uzununa tullanan Kamil Əliyev gümüş, 6,78 metr göstəriciyə imza atan Oleq Panyutin bürünc medala sahib çıxıb. 

Qızıl medala isə 7,12 metr nəticə ilə özbəkistanlı Doniyor Saliyev yiyələnib.