Yuxarı

Sabirabadda kredit yarmarkası keçirilib

Sabirabadda kredit yarmarkası keçirilib

Kənd Təsərrüfatı Nazirliyi yanında Aqrar Kredit və İnkişaf Agentliyi (AKİA) Sabirabad Dövlət Aqrar İnkişaf Mərkəzində kredit yarmarkası keçirib.

"Report" Nazirliyə istinadən xəbər verir ki, yarmarkada müvəkkil kredit təşkilatları vətəndaşlarla görüşərək onların aqrar kreditlərlə bağlı suallarını cavablandırıb.

Kredit yarmarkaları ardıcıl olaraq bütün regionlarda keçirilir. Yanvar ayından başlayan yarmarkalar Qazax, Xaçmaz, Şəmkir, Zaqatala, Masallı rayonlarında keçirilib. Bu yarmarkalarda AKİA-nın sədr müavini Əmir Əmirli, kredit şöbəsinin müdiri və mütəxəssisləri, AKİA-nın müvəkkil kredit təşkilatı olan 16 bank və bank olmayan kredit təşkilatının yerli filiallarının nümayəndələri iştirak edir.

Kredit yarmarkalarını keçirməkdə əsas məqsəd güzəştli aqrar kredit şərtləri, eləcə də kənd təsərrüfatı texnikası və damazlıq heyvanlarının dövlət güzəşti ilə yeni qaydalarla satışı barədə fermerləri məlumatlandırmaqdır.

Xatırladaq ki, ölkə Prezidentinin 19 dekabr 2018-ci il fərmanı ilə kənd təsərrüfatı texnikası və damazlıq heyvan satışı bazarı liberallaşdırılıb. Bu fərmana qədər yalnız səhmləri dövlətə məxsus "Aqrolizinq"  ASC-nin bazalarında olan texnika və damazlıq heyvanın satışına dövlət güzəşti tətbiq edilirdisə, yeni qaydalara müvafiq olaraq, istənilən təchizatçıdan kənd təsərrüfatı texnikası və damazlıq heyvan alan şəxs dövlət güzəştindən faydalana bilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi