Neftçala Dövlət Aqrar İnkişaf Mərkəzinə yeni direktor təyin edilib

Neftçala. 28 dekabr. REPORT.AZ/ Neftçala rayon Dövlət Aqrar İnkişaf Mərkəzinə yeni direktor təyin edilib.

"Report"un Muğan bürosunun məlumatına görə, bununla bağlı kənd təsərrüfatı naziri İnam Kərimov müvafiq əmr imzalayıb. Əmrə əsasən Ramil Salman oğlu Salmanov Neftçala Dövlət Aqrar İnkişaf Mərkəzinə direktor təyin edilib.

Qeyd edək ki, Ramil Salmanov bu vəzifəyə qədər Dövlət Sosial Müdafiə Fondunun (DSMF) Neftçala rayon şöbəsində direktor vəzifəsində çalışıb.