Bakıda tanınmış kənd təsərrüfatı texnikası istehsalçısının rəsmi tərəfdaşının servis mərkəzi açılıb

Bakıda tanınmış kənd təsərrüfatı texnikası istehsalçısının rəsmi tərəfdaşının servis mərkəzi açılıb Bakı. 23 noyabr. REPORT.AZ/ Dünyaca tanınmış kənd təsərrüfatı texnikası istehsalçısı “CLAAS” şirkətinin rəsmi tərəfdaşı olan “4S” şirkətinin servis mərkəzi qapılarını Bakıdakı müştərilər və tərəfdaşlar üçün açdı. O, kənd təsərrüfatı ilə məşğul olan təşkilatların və fermerlərin tələbatını operativ ödəməyə və yeni iş yerləri yaratmağa öz töhfəsini verəcək. Sahəsi 800 kv. m olan yeni mərkəzimiz ən müasir diaqnostik və servis avadanlığı ilə təchiz olunub. Servis mərkəzinin strukturunda, inzibati kompleksdən əlavə müştəriləri zəruri ehtiyat hissələri ilə operativ təchiz etməyə imkan verəcək geniş anbar, komfortlu gözləmə və dincəlmə zonası, servis xidməti və təmir zonası, həmçinin satış üçün nümayiş etdirilən texnikaların yerləşdiyi açıq pavilyon nəzərdə tutulub.
ASK
23 Noyabr , 2018 15:35
Bakıda tanınmış kənd təsərrüfatı texnikası istehsalçısının rəsmi tərəfdaşının servis mərkəzi açılıb

Bakı. 23 noyabr. REPORT.AZ/ Dünyaca tanınmış kənd təsərrüfatı texnikası istehsalçısı “CLAAS” şirkətinin rəsmi tərəfdaşı olan “4S” şirkətinin servis mərkəzi qapılarını Bakıdakı müştərilər və tərəfdaşlar üçün açdı. O, kənd təsərrüfatı ilə məşğul olan təşkilatların və fermerlərin tələbatını operativ ödəməyə və yeni iş yerləri yaratmağa öz töhfəsini verəcək. Sahəsi 800 kv. m olan yeni mərkəzimiz ən müasir diaqnostik və servis avadanlığı ilə təchiz olunub. Servis mərkəzinin strukturunda, inzibati kompleksdən əlavə müştəriləri zəruri ehtiyat hissələri ilə operativ təchiz etməyə imkan verəcək geniş anbar, komfortlu gözləmə və dincəlmə zonası, servis xidməti və təmir zonası, həmçinin satış üçün nümayiş etdirilən texnikaların yerləşdiyi açıq pavilyon nəzərdə tutulub.

Müştərilərə “CLAAS” texnikasının əldə edilməsi, onunla işləməsi, həmçinin diaqnostika, servis və təmirlə bağlı bütün xidmətlər təklif ediləcək. Məhsul yığımı mövsümündə servis xidməti həftənin bütün günləri, fasiləsiz iş rejimində çalışacaq. Təntənəli açılış mərasimində İdarə Heyətinin üzvü cənab Bernd Lüdeviq, ixracat üzrə regional menecer cənab Vasili Zayder şəxsində “CLAAS Group” şirkətinin rəsmiləri, həmçinin şəbəkənin digər diler mərkəzlərinin rəhbərləri və menecerləri, aqrarekspertlər, şirkətin tərəfdaşları və dostları iştirak ediblər.

Tədbiri giriş sözü ilə açan “4S” şirkətinin rəhbəri cənab Elxan Ələkbərov bildirib ki, Prezident İlham Əliyev qeyri-neft sektorunun inkişafını prioritet elan edil. Azərbaycanda kənd təsərrüfatının innovasiya əsaslı inkişafına dəstək vermək üçünlazımi tədbirlər görülür. Bu xüsusda CLAAS texnologiyasının ölkəyə gətirilməsi və yerli fermerlərə təqdim olunması aqrar sahədə keyfiyyət dəyişikliklərinə səbəb olur. Artıq bir neçə ildir ki, Azərbaycanda uğurla fəaliyyət göstərən CLAAS şirkətinin texnika və texnologiyaları bütün xidmətləri bir məkanda cəmləyən mərkəzin açılışını zəruri edirdi. CLAAS şirkətinin Bakı nümayəndəliyi təkcə ölkə üçün deyil, regional müstəvidə kənd təsərrüfatı iştirakçılarına satış, məsləhət və servis xidmətləri göstərəcək.

“CLAAS Group”-un İdarə Heyətinin üzvü cənab Bernd Lüdeviq Azərbaycan bazarının təmsil etdiyi şirkət üçün hələ illər əvvəl prioritet kimi müəyyənləşdirildiyini vurğulayıb. “Yerləşdiyi geostrateji mövqe Azərbaycana regional mərkəz olmağa imkan yaradır. Fermerlərə təkcə texnikanın satışı kifayətetmir, bununla yanaşı onların bilik və bacarıqlarının artırılmasıda əsas şərtlərdəndir. Çünki məhsulumuz haqda kifayət qədər bilik olmadıqda, ondan səmərəli istifadə mümkün olmayacaq”, - deyə Bernd Lüdeviq bildirib.

“CLAAS” şirkətinin ixracat üzrə regional meneceri cənab Vasili Zayder öz çıxışında şirkətin Bakı mərkəzinin vacibliyinə toxunub. O, qeyd edib ki, satış sonrası məsləhət xidmətlərinin təklifi Azərbaycan fermerləri üçün istehsaldan maksimal səmərə əldə etməyə imkan yaradacaq.

“CLAAS Group” və onun Azərbaycandakı servis tərəfdaşı olan “4S” şirkəti arasında Azərbaycanda kənd təsərrüfatı prinsiplərini bazadan başlayaraq innovativə qədər tədris edəcək Agro Akademiyanın yaradılması ilə bağlı protokol imzalanıb.

Daha sonra qonaqlar yeni servis mərkəzinə baxış keçirib, anbarın və servis zonasının yüksək səviyyəli təchizatına, müştəri zonasının rahatlığına qiymət verib, burada təqdim edilmiş “CLAAS” texnikası ilə tanış olublar.

Xatırladaq ki, “CLAAS” şirkəti kənd təsərrüfatı texnikasını istehsal edən qabaqcıl alman şirkətidir. “CLAAS” şirkəti müştərilərini ən qısa zaman kəsiyində ən yüksək səviyyəli servislə təmin etməyi vacib hesab edir.

Yerləşmə regionundan və ölkəsindən asılı olmayaraq, “CLAAS” şirkətinin bütün tərəfdaşları öz servis mərkəzlərində ərazi, avadanlıq və funksionallıq baxımından konsernin vahid standartına riayət etməlidirlər. Bu tələblər həm Azərbaycandakı, həmdə digər ölkələrdəki “CLAAS” tərəfdaşları üçün eynidir. Bütün servis personalı “CLAAS” texnikasına zəmanətli və servis dəstəkli xidmətlə bağlı qoyula biləcək bütün məsələləri effektiv həll etməyə imkan verən zəruri təlimləri keçir. Bundan əlavə, vahid standartın tətbiqi o deməkdir ki, “CLAAS” şirkətinin bütün tərəfdaşları şirkətlə birlikdə inkişaf etməli, ən yeni məhsulları və texnologiyaları mənimsəməli və bütün dünyada fermerlər üçün əlçatan etməlidirlər.

“CLAAS” şirkətinin Azərbaycandakı rəsmi servis tərəfdaşı olan “4S” şirkəti 2017-ci ilin oktyabrında təsis edilib. Hazırda “4S” şirkəti müştərilərinə CLAAS məhsulları ilə yanaşı aqrar sahədə alman brendi olan LEMKENAMAZONE şirkətlərinin texnikasını da təklif edir. Qeyd edək ki, adı çəkilən şirkətlər aqrar sahə üçün müxtəlif təyinatlı qoşqu vasitələri istehsal edir və hal-hazırda dünya brendi hesab olunurlar. 

Son xəbərlər

Orphus sistemi