Azərbaycanda südçülüyün inkişafına dair dövlət proqramı hazırlanır

Bakı. 8 oktyabr. REPORT.AZ/ Kənd Təsərrüfatı Nazirliyində südçülüyün inkişafına dair dövlət proqramı hazırlanır.

Bunu "Report"a açıqlamasında Azərbaycan Süd və Süd Məhsulları İstehsalçıları və İxracatçıları Assosiasiyasının İdarə Heyətinin sədri Samir Eyyubov bildirib.

Onun sözlərinə görə, hazırda proqramın layihəsi tanışlıq məqsədi ilə fermerlərə verilir. 

"Dövlət proqramında bir sıra məsələlər, o cümlədən sahibkarlara subsidiya ödənilməsi məsələsi yer alıb. Bu il proqramla bağlı işlər yekunlaşdırılacaq", - assosiasiya rəhbəri qeyd edib.