Xırdalan-Binəqədi yolunda hərəkət məhdudlaşdırılır

Bakı. 7 iyun. REPORT.AZ/ Aparılan təmir işləri ilə əlaqədar olaraq, Xırdalan-Binəqədi-Balaxanı avtomobil yolunun Binəqədi və Xırdalan qəsəbələri arasında yerləşən müəyyən hissəsində sabah avtonəqliyyat vasitələrinin hərəkəti məhdudlaşdırılacaq.

Bu barədə "Report"a “Azərbaycan Avtomobil Yolları” Dövlət Agentliyindən verilən məlumatda deyilir.

Bildirilib ki, hərəkətin məhdudlaşdırlması təmir işləri bitənədək qüvvədə olacaq: "Bununla əlaqədar olaraq, sürücülərdən öncədən hərəkət istiqamətlərinə uyğun olaraq alternativ yollardan istifadə etmələri tövsiyə olunur. Yarana biləcək müvəqqəti narahatlığa görə, vətəndaşlardan üzr istəyirik".