TRACECA dəhlizinin Azərbaycan seqmentində yük daşınması artıb

Bakı. 14 avqust. REPORT.AZ/ Bu ilin yanvar-iyun aylarında Avropa-Qafqaz-Asiya (TRACECA) nəqliyyat dəhlizinin Azərbaycan hissəsində daşınmış yüklərin həcmi 25 650,8 min ton, yük dövriyyəsi isə 5 385,6 mln. ton/km olub. Bu barədə Dövlət Statistika Komitəsindən "Report"a daxil olan məlumatda bildirilib. 

Yüklərin 15 512,7 min tonu və ya 60,5%-i avtomobil nəqliyyatı, 6 614,0 min tonu və ya 25,8%-i dəmir yolu nəqliyyatı, 3 524,1 min tonu və ya 13,7%-i dəniz nəqliyyatı ilə daşınıb.

Ötən ilin müvafiq dövrü ilə müqayisədə dəhliz vasitəsilə daşınmış yüklərin həcmində 7,4% artım müşahidə olunub.

"Dəhliz vasitəsilə daşınmış yüklərin 19,6%-ni və ya 5 037,3 min tonunu tranzit yüklər təşkil edib", - komitənin məlumatında əlavə edilib.