Bakıda qəza nəticəsində sıradan çıxmış fiber-beton üzlükləri bərpa edilib

Bakının Qələbə meydanında yerləşən tunel tipli yol qovşağında baş vermiş qəza nəticəsində fiber-beton üzlüklər sıradan çıxıb. 

Bu barədə "Report"a Azərbaycan Avtomobil Yolları Dövlət Agentliyindən bildirilib. 

Məlumata görə, Agentliyin əməkdaşları tərəfindən qısa müddət ərzində fiber-beton üzlükləri yenisi ilə əvəzlənib.

Agentlik sürücülərdən diqqətli olmağı, hava şəraitinə uyğun olaraq avtonəqliyyat vasitəsini idarə etməyi, yollarda təyin olunmuş sürət həddini aşmamağı və yol hərəkəti qaydalarına riayət etmələrini xahiş edib.