Pərviz Şahbazov: "Qazaxıstanla Orta Dəhliz çərçivəsində əməkdaşlığın genişləndirilməsinə hazırıq"

Azərbaycan Qazaxıstanla Orta Dəhliz (Transxəzər Beynəlxalq Nəqliyyat Marşrutu) çərçivəsində əməkdaşlığın davam etdirilməsinə və genişləndirilməsinə hazırdır.

"Report" xəbər verir ki, bunu Azərbaycan və Qazaxıstan arasında ticarət və iqtisadi əməkdaşlıq üzrə birgə Hökumətlərarası Komissiyanın bu gün Bakıda keçirilən 19-cu iclasında energetika naziri Pərviz Şahbazov bildirib.

Onun sözlərinə görə, bu, iki ölkənin tranzit potensialından istifadənin genişləndirilməsi üçün lazımdır.

"Bununla yanaşı, Azərbaycan Orta Dəhlizin mühüm hissəsi olan Zəngəzur dəhlizinin potensial tranzit imkanları çərçivəsində də əməkdaşlığın dərinləşməsinə hazırdır. Azərbaycanla Qazaxıstan arasında nəqliyyat tranzit əlaqələrin genişləndirilməsi mühüm əhəmiyyət kəsb edir", - deyə nazir əlavə edib.