PA rəsmisi: "Metronun bağlanması avtobuslarda sıxlığa səbəb olur"

“Nəqliyyatda sıxlıq var. Metro artıq bir aydan çoxdur bağlıdır. Metronun bağlanması avtobuslarda sıxlığa səbəb olur”.

“Report” xəbər verir ki, bunu Azərbaycan Prezidentinin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın brifinqində çıxışı zamanı deyib.

Onun sözlərinə görə, avtobusların sıxlıq olan yerlərə yönəldilməsi həyata keçirilir: “Biz görürük ki, günün ikinci hissəsində sıxlıq olur. Xahişim budur, insanlar planlarını elə qursunlar ki, sıxlığa düşməsinlər. Bununla da virusun yayılmasının qarşısını almağa töhfə verilmiş olar”.