​Naxçıvan-Batumi və əks istiqamətdə avtobus marşrutu fəaliyyətə başlayacaq

Bakı. 16 fevral. REPORT.AZ/ Fevral ayının 20-dən Naxçıvan-Batumi və əks istiqamətdə avtobus marşrutu fəaliyyətə başlayacaq.

"Report"un məlumatına görə, avtobus Naxçıvan şəhərindən başlayaraq Türkiyə Respublikası ərazisindən keçməklə Batumi şəhərinə hərəkət edəcək.

İlk marşrut fevralın 20-də, saat 7:30-da Naxçıvan Şəhər Avtovağzalından yola düşəcək.

Bir nəfər üçün biletin qiyməti 27 manatdır.

Qeyd edək ki, biletlər muxtar respublika ərazisindəki avtovağzallarda satılacaq.