“MİDA” MMC-nin Müşahidə Şurasının sədri dəyişib

Bakı. 28 sentyabr. REPORT.AZ/ Mənzil İnşaatı Dövlət Agentliyinin (MİDA) tabeliyində fəaliyyət göstərən “MİDA” MMC-nin Müşahidə Şurasının sədri dəyişib.

“Report” şirkətə istinadən xəbər verir ki, Sadiq Sadıqovu Çingiz Qədimov əvəz edib.

Xatırladaq ki, S.Sadiqov ölkə prezidentinin bu il sentyabrın 19-da imzaladığı fərmanda MİDA-nın İdarə Heyətinin sədri təyin olunub. “MİDA” MMC-nin MŞ-nın yeni sədri isə həm də MİDA-nın aparat rəhbəri vəzifəsini tutur.