Bibiheybət məcsidindən şəhərə doğru yolda hərəkət məhdudlaşdırılacaq

Bakı. 28 fevral. REPORT.AZ/ Aparılan təmir-tikinti işləri ilə əlaqədar sabah günorta saatlarında, Bibiheybət məscidindən başlayaraq şəhərə doğru istiqamətdə olan yolda hərəkət qismən məhdudlaşdırılacaq.

“Report” xəbər verir ki, bu barədə Azərbaycan Avtomobil Yolları Dövlət Agentliyinin açıqlamasında bildirilir.

“Müvəqqəti narahatlığa görə, vətəndaşlardan üzr istəyirik, sürücülərdən aparılan işlərə anlayışla yanaşmalarını xahiş edirik”, -  qurum bəyan edib.