Minskə hər gün təyyarə uçuşları həyata keçiriləcək

Belarusun “Belavia” dövlət hava yolları şirkəti bundan sonra Azərbaycana uçuşlarını gündəlik qaydada həyata keçirəcək.

“Report” Belarus Nəqliyyat və Rabitə Nazirliyinə istinadən xəbər verir ki, yeni cədvələ görə Minsk – Bakı uçuşları hər gün saat 23:00-da (uçuş müddəti 3 saat 55 dəqiqə), Bakıdan Minsk istiqamətində isə saat 4.05-də (uçuş müddəti 4 saat 10 dəqiqə) başlayacaq.