Bakının Biləcəri qəsəbəsində nəqliyyatın hərəkəti məhdudlaşdırılacaq

Bu gün gecə saatlarından başlayaraq sabah axşam saatlarına qədər Bakının Binəqədi rayonunun Biləcəri qəsəbəsindəki Yəhyə Hüseynov küçəsinin bir hissəsində nəqliyyatın hərəkəti məhdudlaşdırılacaq.

Bu barədə "Report"a Azərbaycan Avtomobil Yolları Dövlət Agentliyindən bildirilib. 

Məlumata görə, buna səbəb aparılacaq təmir işləridir. Məhdudiyyət sözügedən küçənin Məmməd Səid Ordubadi küçəsi ilə kəsişməsində yerləşən dairədən Xurşudbanu Natavan küçəsi ilə kəsişməsinə qədər (300 N-li orta məktəb) olan hissəsində tətbiq ediləcək. 

Sürücülərə alternativ yollardan istifadə etmələri tövsiyə olunur.