"Azəristiliktəchizat”ın daha 7 qazanxanası yenidən qurulacaq

"Azəristiliktəchizat” ASC-nin balansında olan daha 7 köhnə tipli qazanxananın yenidən qurulması və modernizasiya edilməsi nəzərdə tutulur.

"Report" bu barədə səhmdar cəmiyyətinə istinadən xəbər verir.

Məlumata görə, artıq bununla bağlı hazırlığa başlanılıb. İlkin olaraq layihələndirmə işləri həyata keçiriləcək. Bu məqsədlə təxminən 267 min manat xərclənəcək.

Xatırladaq ki, bundan əvvəl 5 köhnə tipli qazanxananın yenidən qurulması və modernizasiya edilməsi nəzərdə tutulmuşdu.