Azərbaycandakı Ukrayna vətəndaşları vətənə qaytarılıb

Koronavirus pandemiyası ilə bağlı dünən Ukrayna paytaxtı Kiyev şəhərinin Borispol Hava Limanına Bakı, London, Roma, Təl-Əviv şəhərlərindən xüsusi təyyarələrlə gələn 600-dək Ukrayna vətəndaşı təxliyə olunub.

“Report” bu barədə Ukrayna Dövlət Sərhəd Mühafizəsi Xidmətinə istinadən xəbər verir.

Təyyarələrin bütün sərnişinlərinin hərarəti ölçülüb, heç birində qızdırma aşkarlanmayıb. Bundan sonra onlar evdə təcrid rejimində qalacaqlar. 

Mövcud qaydaya görə, bütün sərnişinlər mobil telefonlarına evdə təcrid rejiminə əməl etmələri üçün xüsusi proqram yüklətdiriblər.