Azərbaycan və EBRD nəqliyyat layihələrinin maliyyələşdirilməsini müzakirə edib

Azərbaycanda nəqliyyat sahəsində həyata keçirilən layihələrin maliyyələşdirilməsində Avropa Yenidənqurma və İnkişaf Bankının (EBRD) mümkün iştirakı müzakirə olunub.

"Report" xəbər verir ki, bunu rəqəmsal inkişaf və nəqliyyat naziri Rəşad Nəbiyev "X" sosial şəbəkəsindəki hesabında bildirib.

Onun sözlərinə görə, müzakirələr Bankının I vitse-prezidenti Yurgen Riqterink ilə görüşdə baş tutub.

Ölkəmizdə səfərdə olan Avropa Yenidənqurma və İnkişaf Bankının birinci vitse-prezidenti Yurgen Riqterink ilə görüşdük.
Azərbaycanda nəqliyyat sahəsində həyata keçirilən layihələr haqqında danışdıq. Bu layihələrin maliyyələşməsində Bankın mümkün iştirakı məsələsini müzakirə etdik. pic.twitter.com/dM2AKmFAwV

— Rashad Nabiyev (@RashadNNabiyev) November 11, 2024