ABADA: Azərbaycanla Rusiya arasında yükdaşımalarında heç bir problem yaşanmayıb

Son dövrlərdə Azərbaycanla Rusiya arasında yükdaşımalarında heç bir problem yaşanmayıb.

"Report" xəbər verir ki, bunu jurnalistlərə açıqlamasında "Azərbaycan Beynəlxalq Avtomobil Daşıyıcıları Assosiasiyası" (ABADA) İctimai Birliyinin baş katibi Kənan Qurbanov bildirib.

O qeyd edib ki, məsələ ilə bağlı indiyə qədər hər hansı tərəfin problem yaratması, nə də daşımaların həcminin azalması müşahidə edilməyib: “Eləcə də sürücülər hər hansı bir narazılıq və ya çətinlik bildirməyib. Ona görə də bu istiqamətdə ciddi bir problem yoxdur”.

K. Qurbanovun sözlərinə görə, beynəlxalq daşımaların yarıdan çoxu İran-Rusiya istiqamətində həyata keçirilir: “Bu daşımaları yalnız Azərbaycan daşıyıcıları deyil, həm də Rusiya daşıyıcıları yerinə yetirirlər”.