Vladimir Vısotskinin birinci həyat yoldaşı vəfat edib

Bakı. 20 iyul. REPORT.AZ/ Keçmiş SSRİ-nin məşhur müğənnisi Vladimir Vısotskinin birinci həyat yoldaşı İzolda Vısotskaya (Jukova) 82 yaşında Nijniy Tagildə vəfat edib.

“Report” RİA "Novosti”yə istinadən xəbər verir ki, bunu yerli dram teatrının direktoru bildirib.

İzolda Vısotskaya 1958-c ildə Moskva Bədaye Teatrının məktəbini bitirib. Kiyev, Rostov, Perm, Vladimir, Liepai şəhərlərindəki teatrlarda işləyib. 1970-ci ildən isə Nijnıy Tagildə işləyib və yaşayıb.

O, 1980-ci ildə RSFSR-in “Əməkdar artisti”, 2005-ci ildə isə “Rusiyanın xalq artsti” fəxri adlarına layiq görülüb. İzolda 5 il, 1960-1965-ci illərdə Vladimir Vısotski ilə ailəli olub. Aktrisa keçmiş həyat yoldaşı haqqında xatirə ktabı yazıb.