“Rokki” filminin rejissoru vəfat edib

Bakı. 17 iyun. REPORT.AZ/ Məşhur “Rokki” filminin rejissoru Con Gilbert Evildsen 81 yaşında vəfat edib.

“Report” “Associated Press”ə istinadən xəbər verir ki, bunu rejissorun oğlu Entoni Evildson bildirib.

Onun sözlərinə görə, atası Los-Ancelesdə mədəaltı vəzinin xərçəngindən ölüb.

Qeyd edək ki, Con Gilbert Evildsen 1976-cı ildə “Rokki”, 1984-1989-cu illərdə “Karateçi – gənc” filmlərini də çəkib. 1977-ci ildə isə “Rokki” filminə görə o, “Oskar” mükafatına layiq görülüb.