Rəvanqulu Xanın portreti Qərbi Azərbaycan İcmasına hədiyyə edilib

Qərbi Azərbaycan İcmasında görkəmli rəssam Muxtar Avşarın oğlu Rza Avşarın öz əlləri ilə hazırladığı Rəvanqulu Xanın böyük portretinin İcmaya hədiyyə edilməsi mərasimi keçirilib.

“Report”un xəbərinə görə, İrəvan əsilli Rəssam Rəvanqulu Xanın portretini şəxsən İcmaya hədiyyə edib. O, portretlə bağlı ətraflı məlumat verib.

Rəssam Rza Avşar Əzim Əzimzadə adına məktəbin məzunudur. O, 1974-cü ildən bu yana dünyanın müxtəlif ölkələrində əsərləri sərgilənir. 60 illik yubileyi münasibətilə Azərbaycanın Əməkdar rəssamı adına layiq görülüb.