Rəşid Behbudova həsr olunan sənədli filmin təqdimatı keçiriləcək

Bakı. 3 may. REPORT.AZ/ Nizami Kino Mərkəzində “Nəğmə dolu bir ürəyəm” sənədli filminin təqdimatı olacaq.

"Report"un məlumatına görə, Mədəniyyət Nazirliyinin təşkilatçılığı ilə keçiriləcək tədbir mayın 4-ü saat 19:00-da başlayacaq. 

Azərbaycan müğənnisi, SSRİ xalq artisti Rəşid Behbudova həsr edilən film dövlət sifarişi ilə “Salnaməfilm” studiyasında çəkilib. 

Filmin ssenari müəllifi və rejissoru Rauf Məmmədov, operatorları Aleksey Filippov, Adil Abbasov, prodüseri Nazim Hüseynovdur.