"Donuz balası Peppa dostlarını toplayır" tamaşasının Bakıda ilk premyerası olacaq

Bakı. 19 mart. REPORT.AZ/ Mayın 14-15-də Akademik Opera və Balet Teatrının səhnəsində balaca tamaşaçılar üçün "Donuz balası Peppa dostlarını toplayır" interaktiv tamaşasının ilk premyerası olacaq.

"Report" xəbər verir ki, tamaşada musiqi nömrələri canlı səsləndiriləcək. Uşaqlar üçün nəzərdə tutulan interaktiv tamaşada balaca tamaşaçılar donuz balası Peppanın və dostlarının macəraları ilə tanış olacaqlar.

Tamaşanın biletləri Bakı şəhərində fəaliyyət göstərən mərkəzləşdirilmiş kassalarda satılır.