"Kurtlar Vadisi"nin məşhur aktyoru vəfat edib

Türkiyənin tanınmış aktyoru Tarık Ünlüoğlu 62 yaşında vəfat edib.

“Report” “Hurrriyet”ə istinadən xəbər verir ki, o, uzun müddətdir müalicə olunurmuş.

Qeyd edək ki, Reşat Tarık Ünlüoğlu 1957-ci il noyabrın 16-da İzmirdə anadan olub. Bu şəhərdə Namık Kemal liseyini bitirdikdən sonra Ankara Dövlət Konservatoriyasına qəbul olunub. Türkiyə teatr səhnələrində, "Avropa, Avropa", "Kurtlar Vadisi", “Eşkiya dünyaya hökmdar olmaz” və digər serial və kinolarda bir sıra maraqlı rollar oynayıb.