İçərişəhərdə “Unudulmuş yeməklər” adlı festival keçiriləcək

Bakı. 15 avqust. REPORT.AZ/ İçərişəhərdə “Unudulmuş yeməklər” adlı yemək festivalı keçiriləcək. 

Bu barədə "Report"a Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsindən məlumat verilib. 

Sentyabrın 1-dən 3-dək davam edəcək festivalın əsas məqsədi şəhərin tarixi hissəsində Qurban bayramı abu-havası yaradaraq bayram təntənəsini Bakı sakinləri və şəhərin qonaqları ilə birlikdə qeyd etməkdir. 

Festival iştirakçıları yeməklərin hazırlanmasında və təqdimatında iştirak edə biləcəklər. Eyni zamanda, tədbir Azərbaycan mətbəxinə olan marağı artırmaq və milli mətbəxin unudulan zənginliklərini nümayiş etdirərək xalqın süfrəsinə geri qaytarmaq məqsədi daşıyır.