Bakıda Şah İsmayıl Xətainin Florensiyadan gətirilmiş portreti nümayiş olunacaq

Bakı. 1 may. REPORT.AZ/ Bakıda Şah İsmayıl Xətainin portreti nümayiş olunacaq.

"Report" xəbər verir ki, bu barədə jurnalistlərə İtaliyanın Azərbaycandakı səfiri Auqusto Massari bildirib.

Səfir qeyd edib ki, portret Florensiyadakı Uffitsi qalereyasından gətiriləcək.

Sərginin bu il oktyabr ayında keçiriləcəyi gözlənilir.

"Şah İsmayılın şəxsiyyətinin Azərbaycan xalqı və onun dili üçün əhəmiyyətini nəzərə alaraq belə sərgi təşkil etməyi qərara aldıq", - səfir deyib.