Bakıda latviyalı rəssamların sərgisi keçiriləcək

Oktyabrın 16-da Bakıda Latviyanın tekstil rəngkarlığı üzrə tanınmış rəssamları İrisa Blumayte və İveta Besenanenin “All in Two” adlı sərgisi açılacaq.

Latviyanın Azərbaycandakı səfirliyindən “Report”a bildirilib ki, noyabrın 15-dək fəaliyyət göstərəcək sərgidə hər iki sənətkarın toxuculuq sənətinə dair düşüncələrə, həmin sənətdəki dəyişikliklərə həsr olunmuş əsərləri təqdim olunacaq.

“Tekstil rəngkarlığı daim Latviya mədəniyyətinin məxsusi parçası, milli incəsətinin ən çox sevilən istiqamətlərindən biri olub. Bu sənət əsrlər boyu təşəkkül tapmış xalq incəsənətinə əsaslanan dərin tarixi ənənələrə malikdir”, – səfirliyin məlumatında qeyd olunur.