"WhatsApp"da yeni funksiya olacaq

"WhatsApp" proqramının yaradıcıları çatdakı ismarıcları tarixinə görə tez tapan yeni funksiyanın sınaqlarını keçirirlər.

Bu barədə "Report" "WABetainfo"ya istinadən xəbər verir. 

Adıçəkilən messencerdə artıq ismarıcı axtarış funksiyası olsa da, hər hansı postu göndərilmə və ya qəbul tarixinə görə tapmaq çətinlik yaradır.

Yeni funksiyada isə lazımi postu tapmaq üçün axtarış rejimində müvafiq tarix işarəsini basmaq kifayət olacaq.