“TikTok” iqlim dəyişikliyi ilə bağlı yayılan dezinformasiyalarla mübarizə aparacaq

“TikTok” mobil tətbiqi iqlim dəyişikliyinin mövcudluğunu inkar edən videoları silməyi planlaşdırır.

“Report” xəbər verir ki, bu barədə “Sky News” məlumat yayıb.

Tətbiq nümayəndələrinin sözlərinə görə, onlar dezinformasiya siyasətini yeniləməyi planlaşdırırlar. Beləliklə, iqlim böhranı ilə bağlı dezinformasiya ehtiva edən bütün videolar silinəcək.

Bundan əlavə, şirkət iqlim məzmunu axtaran hər kəsi BMT-nin işıqlandırdığı “mötəbər məlumatlara” yönləndirmək üçün yeni axtarış funksiyalarını təqdim etməyi nəzərdən keçirir.

“TikTok”a görə, bu cür dəyişikliklər “iqlim müzakirəsi imkanlarını genişləndirməyə” və “zərərli dezinformasiyanı azaltmağa” yardımçı olacaq.