Sinqapurda avtomobil satan 15 mərtəbəli avtomat istifadəyə verilib

Bakı. 17 may. REPORT.AZ/ Sinqapurda idman avtomobillərinin satışı üzrə 15 mərtəbəli avtomat istifadəyə verilib.

"Report" xəbər verir ki, "Autobahn Motors" şirkəti tərəfindən inşa edilən bina 60 ədəd avtomobil tutumuna malikdir.

Müştərinin maşın almaq üçün birinci mərtəbədə yerləşən sensorlu displeydə münasib modeli seçməsi tələb olunur. Seçim edildikdən sonra avtomat lazımi idman avtomobilini alıcıya təqdim edir. Ödəniş onlayn həyata keçirilir.